成日都有寒流,突然涷幾日咁。有時都會想揾部暖風機用下,咁係選購同使用暖風機嘅時候有咩要注意?
暖風機 Vs 暖爐
首先問下自己,點解要買暖風機而唔買暖爐?暖風機同暖爐比較,係有以下優點:
- 加熱速度較快。
- 機身較小較輕便,佔用較小空間。
- 方便移動到不同位置使用。
- 可調校出風風向,部分更可上下左右搖擺出風。
- 大部分有安全設計,如翻倒斷電保護、過熱斷電保護等功能。
- 部分會有冷暖風功能,一機兩用更方便
因為香港好多家居都空間有限,所以暖風機夠細部又便宜嘅特性,令佢深受歡迎。不過,暖風機都有一啲限制:
放暖範圍較細,只有風吹到嘅地方至暖,較適合小房間使用。
選擇暖風機注意事項
1)溫度調節及時間掣不可少
備有溫度調節及時間掣功能嘅暖風機,可以讓室溫保持在適當溫度之餘,亦較方便於睡覺時使用。暖風機因應溫度及時間自動停止製暖,可以更省電。
2)考慮使用空間及用途
選購時,應想清楚該暖風機的用途及用於家中哪一個空間?例如打算用於洗手間,則要購買防水的型號;又如暖風機供寵物使用,則應選擇有翻倒斷電保護的型號。
3)了解防水等級
於浴室使用的暖風機,須至少達IP21的防水等級(即機身通過防滴測試)。如有防水等級有IP24就更理想(即機身通過防濺測試)。
4)注意耗電量
好多人買暖風機只係貪平,以為部部差唔多就揀最平嗰部。但係,好多時平價的型號反而因耗電量高,長遠會令你更花多咗錢喺電費上。反之,一啲有多功能嘅型號(如恆溫功能),雖然售價較高,卻可以喺電費上為你節省不少。
5)不宜在海外網購
而家大家習慣咗乜都喺網上購買,連家電也不例外。但暖風機呢啲涉及安全風險嘅家電,建議大家避免喺海外或國內網購,因為每個地區嘅電器安全標準不一。最好都係親自去電器鋪或品牌門市選購,如果真係要網購,宜幫襯番品本地網店。
使用暖風機注意事項
在使用暖風機時要預留足夠空間,讓暖氣可以順利對流;同時要注意空間是否通風,否則會造成缺氧。使用暖風機時間亦不要過長,避免機身過熱,宜選擇有自動恆溫系統的暖風機,偵測室內溫度;亦應善用時間掣,使暖風機能適時自動關機,確保安全。至於清潔時,須先等機體冷卻再進行,這可避免燙傷,若不使用暖風機時,要記得放在乾燥處妥善收好。